fondo web
GAL | ES
logotipo concello de Santiago
Qué?
Cando?
Onde?
Criterios seleccionados
Suprimir todo

AUDITORIO DE GALICIA

O Auditorio de Galicia inaugurouse o 20 de outubro de 1989 coa vontade de consolidar a oferta cultural da capital de Galicia e convertelo no centro, por excelencia, para a recepción das manifestacións culturais que a cidade xera, e así mesmo converteuse en punto de referencia obrigada para a cultura musical e artística de Galicia. Este recinto polivalente, cun suxestivo espazo arquitectónico proxecto de Julio Cano Laso, participa dunha situación intermedia entre o urbano e o paisaxismo natural, no que se expresa a intención de exaltar os grandes muros de pedra como valor intemporal da arquitectura galega, constante en todo o edificio, que se acrecenta co contraste e brillo das galerías acristaladas, rodeado de amplas zonas verdes e un lago artificial. Grazas ao extraordinario deseño acústico de Lothar Cramer permitiu desenvolver en condicións inmellorables, ao longo destes máis de 20 anos, unha intensa e rica actividade cultural que inclúe ópera, teatro, danza, concertos, exposicións, etc.

O Auditorio de Galicia está na Avenida do Burgo das Nacións, s/n, C.P.:15705, Santiago de Compostela. O teléfono é 981 55 22 90.

Está aberto todos os días do ano (agás o 25 de decembro e o 1 de xaneiro) de 9.00 a 20.00h.

- Programa de Abono 2014/2015

Web propia: http://www.auditoriodegalicia.org/

 

Arte | Varios
Inauguración ALÉN DOS XÉNEROS Prácticas artísticas feministas en Galicia
Xoves 6 xullo | 20:00 | Auditorio de Galicia
Prácticas artísticas feministas en Galicia Alén dos xéneros, mostra colectiva comisariada por Anxela Caramés, reúne unha selección de obras que percorren o panorama das prácticas artísticas feministas en Galicia dende os anos noventa ata a actualidade. A mostra foi realizada polo MARCO, Museo de Arte contemporánea de Vigo –onde se inaugura en xaneiro de 2017– en coprodución co Auditorio de Galicia que acolle a itinerancia ata novembro deste ano.  
Teatro | Musical
'ANNUS HORRÍBILIS' en CHÉVERE 3.0 Maratón escénico polo 30 aniversario de Chévere
Mércores 12 - Venres 14 xullo | 21:00 | Auditorio de Galicia
Maratón escénico polo 30 aniversario de Chévere A finais de xuño de 1987 Chévere actuaba por primeira vez en público, na Praza dos Bombeiros de Santiago de Compostela, detrás da Escola Mestre Mateo. Trinta anos despois daquela noite de verán a compañía segue funcionando e está vivindo un dos seus mellores momentos artísticos e profesionais. Premio da Crítica de Galicia 2011. Premio de Honra da MIT de Ribadavia 2012. Premios María Casares ao Mellor Espectáculo en 2012, 2014, 2017. E Premio Nacional de Teatro 2014, converténdose na primeira compañía galega en ter este recoñecemento, o máis importante das artes escénicas de ámbito estatal, que desde 1949 recibiron apenas 7 compañías (Els Joglars, La Fura dels Baus, Ur Teatro, Teatre Lliure, Animalario, Atalaya e La Zaranda).  
Música
Sílvia Pérez Cruz  Vestida de nit
Sábado 21 outubro | 21:00 | Auditorio de Galicia
Vestida de nit Tras tres anos tocando xuntos en directo buscando sen prexuízos e con alegría unha sonoridade propia, Sílvia Pérez Cruz decide gravar e virar este espectáculo acompañada e acompañando a cinco cómplices de luxo baixo o nome da canción que escribiron os seus pais fai máis de trinta anos, "Vestida de nit".  

Exposicións

Arte | Outros
MiiC (Mostra Internacional de Ilustración Contemporánea) MiiC no teu móbil. Descarga a app!
Martes 21 marzo / Domingo 25 xuño |Auditorio de Galicia
MiiC no teu móbil. Descarga a app! Comisariada por Matilde Rodríguez, MiiC é a primeira Mostra Internacional de Ilustración Contemporánea de Galicia. Unha exposición colectiva de máis dun centenar de pezas representativas do que se está a facer dentro da área da ilustración de vangarda a nivel mundial, que podes ver na sala de exposicións do Auditorio e descargar a app Miic auditorio.  
Arte | Varios
ALÉN DOS XÉNEROS Prácticas artísticas feministas en Galicia
Xoves 6 xullo / Domingo 12 novembro |Auditorio de Galicia
Prácticas artísticas feministas en Galicia Alén dos xéneros, permite contextualizar o traballo artístico que aborda as cuestións de xénero, poñendo en relación o ámbito galego co estatal e internacional, ofrecendo unha revisión das prácticas feministas e tendendo pontes con movementos activistas feministas e LGTBQI. O Auditorio acolle este proxecto que foi realizado en coprodución co MARCO de Vigo, e comisariado por Anxela Caramés.  

http://www.compostelacapitalcultural.com/adjuntos/1496321216.pdf
http://www.compostelacapitalcultural.com/adjuntos/1496321216.pdf http://www.compostecapitalcultural.org
http://www.auditoriodegalicia.org/ www.compostelacapitalcultural.org http://ofv.auditoriodegalicia.org
www.compostelacapitalcultural.org www.compostelacapitalcultural.org/index.html http://www.compostelacapitalcultural.org/adjuntos/1372404450.pdf www.compostelacapitalcultural.org www.compostelacapitalcultural.org
www.compostelacapitalcultural.org/index.html http://www.compostelacapitalcultural.org http://www.compostelacapitalcultural.org www.compostelacapitalcultural.org