fondo web
GAL | ES
logotipo concello de Santiago
Qué?
Cando?
Onde?
Criterios seleccionados
Suprimir todo

PROGRAMA DIDÁCTICO

A concellaría de Acción Cultural programa cada tempada un programa didáctico dirixido a escolares de Santiago e de toda Galicia. Organizados a modo de sesións pedagóxicas, os programas adáptanse ás diferentes franxas de idade e promoven o coñecemento de música clásica, danza, teatro, música tradicional, etc. Ademais póñense a disposición dos centros escolares guías didácticas, que se atopan nas fichas de cada un dos eventos que podedes ver a continuación, para traballar na aula cos seus mestres con anterioridade á asistencia ao evento.

Pódese descargar a carta explicativa do Programa Didáctico 2017/2018 aquí e o formulario de inscrición aquí e envialo a info@auditoriodegalicia.org a partir do 20 de setembro Santiago e comarca e a partir do 21 de setembro o resto dos centros de ensino.

Nas fichas de cada un dos eventos que podedes ver a continuación, aparece a GUÍA DIDÁCTICA para descargar, así como máis información dos mesmos.

Pode vostede consultar a lista de centros admitidos no Programa Didáctico do Concello de Santiago 2017/18. Informámoslles que aínda QUEDAN algunhas PRAZAS para as seguintes actividades didácticas:

-"A familia do Vurdalak" 9 novembro ás 10:00 h

- "O Valo" 16 de xaneiro ás 10:00 e ás 12:00 h e 17 de xaneiro ás 10:00 h

- "Las Lollipops" 23 e 24 de xaneiro ás 10:00 h

- "Todo percusión" 25 ás 10:00 h e 26 de xaneiro ás 10:00 e 12:00 h

- "Xogo de pillabáns" 28 de febreiro ás 10:00 e ás 12:00 h e 1 marzo ás 10:00 h

- "Elas Bravas" o 19 marzo ás 12:00 h

 

CONVOCATORIA ABERTA PARA ACTIVIDADES DIDÁCTICAS

Para o apartado didáctico en artes escénicas (disciplinas de teatro, monicreques, danza, circo) e musicais a concellaría abriu unha convocatoria para que as empresas presentaran as súas propostas.  Documento que rixe o proceso 2017.

Resolución da convocatoria de propostas para o programa didáctico de Artes escénicas e musicais 2017-2018 do Concello de Santiago

 

Didácticos | MúsicaPrograma Didáctico
Música con pelis! Aprendendo a escoitar o cine. Didácticos Audiovisuais
Luns 18 decembro | Auditorio de Galicia
Didácticos Audiovisuais Un concerto didáctico e interactivo de Caspervek Trío no que traballaremos sobre a relación da música/son e imaxe no cine, facendo un repaso polo uso desta en diferentes épocas da historia audiovisual. Introduciremos aos nenos e nenas no concepto de “banda sonora”, os seus procesos e importancia, así como a presenza da música nas películas como catalizador emocional e soporte do contido audiovisual.  
Didácticos | TeatroPrograma Didáctico
O Valo Culturactiva, SCG
Varias datas | Teatro Principal
Culturactiva, SCG O Valo fala do encontro de dous mundos, dúas realidades, dúas consciencias encarnadas en dous personaxes ben distintos: O Soldadiño de Chumbo e Sahara. Fronte ao pensamento patético e torpe do Soldadiño de Chumbo, que obedece ordes dos seus superiores desde a fe cega no que sempre lle dixeron que tiña que facer, oponse a sensibilidade de Sahara, unha rapaza que foxe da guerra e que recibiu tantos paus na vida que xa poucas cousas poden detela.  
Didácticos | MúsicaPrograma Didáctico
Las Lollipops Gallaecia Eventos
Varias datas | Auditorio de Galicia
Gallaecia Eventos O grupo Las Lollipops, está formado por tres voces femininas: Paula Romero, Marian Ledesma , Paty Lesta e un pianista, Cristian Leggiero. Durante unha hora, con música en directo e dunha maneira moi, moi divertida, explicarán conceptos claves da música vocal e coral.  
Didácticos | MúsicaPrograma Didáctico
Todo é percusión Dúas e Exire
Varias datas | Auditorio de Galicia
Dúas e Exire O espectáculo levarase a cabo polo dúo de percusión Duas e dúas bailarinas de arte contemporáneo, que se identifican baixo o nome de Exire, co obxetivo principal de chegar ó Arte Total a través da ligazón das distintas artes: música, danza e teatro.  
Didácticos Programa Didáctico
Viaxe arredor do mundo Didácticos Audiovisuais
Luns 29 xaneiro | Auditorio de Galicia
Didácticos Audiovisuais Para a 2ª sesión propoñemos unha viaxe arredor do mundo, un repaso por contidos (escenas de longametraxes, curtametraxes, anuncios publicitarios, pezas de animación) pertencentes a diversos sistemas culturais, localizacións xeográficas e tradicións artísticas.  
Didácticos | TeatroPrograma Didáctico
O poder de Amabel Cía.Pérez&Fernández
Varias datas | Teatro Principal
Cía.Pérez&Fernández Todos os membros da familia de Amabel teñen superpoderes: unha forza descomunal, a velocidade do raio, unha abraiante intelixencia ou mesmo a capacidade de facerse invisible. Pero Amabel aínda non sabe cal é a súa habilidade extraordinaria. Para descubrilo, embarcarase en aventuras ben peculiares. Un reencontro de dous amigos xa adultos no que lembrarán un especial outono que viviron xuntos no 82, un dos seus primeiros recordos de nenos, eses aos que debemos voltar para sentirnos na nosa verdadeira patria: a infancia.  
Música | PercusiónPrograma Didáctico
Concerto Singular Píscore e Banda Municipal de Música
Varias datas | Auditorio de Galicia
Píscore e Banda Municipal de Música Píscore é unha nova compañía de música e comedia xestual que anova a escena do humor do país. Está composta por catro virtuosos músicos que en Concerto Singular lévannos a unha dimensión musical e humorística realmente especial. Mesturando a excelencia musical e a comedia de alto nivel, Píscore actualizan o máis clásico humor mudo e anovan a disciplina cunha proposta diferente, orixinal e de calidade cunha marimba enorme no medio da acción.  
Didácticos Programa Didáctico
Libres e diversos Didácticos Audiovisuais
Luns 26 febreiro | Auditorio de Galicia
Didácticos Audiovisuais Esta sesión abordará a través do audiovisual a atención á diversidade no noso contexto social, centrándonos en 2 temas principais: a aceptación da homosexualidade e, por extensión, da(s) condición(s) sexuais das persoas integrantes do colectivo LGBTI e o problema do racismo e a xenofobia, que a través das pezas audiovisuais poderemos enlazar con temas de plena actualidade, máis alá do contido audiovisual (represión LGBT en Chechenia, auxe da extrema dereita en Europa, crise dos refuxiados…)  
Didácticos | MúsicaPrograma Didáctico
Xogo de pillabáns Zoar
Varias datas | Teatro Principal
Zoar Xogo de Pillabáns é unha obra de teatro musical, baseada nunha Novela Ejemplar de Miguel de Cervantes Saavedra. Nesta produción os intérpretes actúan como os personaxes da historia interactuando co público. A historia de Rinconete y Cortadillo narra as aventuras de dous mozos duns 15 anos, Pedro del Rincón e Diego Cortado, que se coñecen, na Venta del Molinillo, despois de escapar da casa en busca de cartos e liberdade.  
Didácticos | TeatroPrograma Didáctico
Osiño Trompicallo, S.C.
Varias datas | Teatro Principal
Trompicallo, S.C. A vida nun anaquiño de fraga transfórmase coa chegada das diferentes estacións. Neste lugar vive Osiño coa súa mamá. Con eles pasaremos un inverno no que Osiño ten moito frío, pero a súa mamá vaille ensinar o que un oso debe facer para non telo e poder xogar coa neve. Na primavera coñeceremos ao avó de Osiño, que lle contará o seu conto favorito, o de cando a súa mamá, de pequena, coñeceu a un paporrubio. Polo verán Osiño levaranos a dar un longo e fantástico paseo nocturno, para poder levarlle á súa mamá un pedazo de queixo moi especial. E no outono, celebraremos con el e os seus amigos Porquiño, Coello e os Ratos o seu aniversario.  
Música | ClásicaPrograma Didáctico
O carnaval dos animais de C. Saint-Saëns REAL FILHARMONÍA DE GALICIA
Varias datas | Auditorio de Galicia
REAL FILHARMONÍA DE GALICIA En 1886 Camilo Saint-Saëns escribiu esta obra instrumental moi divertida na que quixo que aparecesen moitos animais: leóns, elefantes, galiñas, tartarugas, canguros, asnos, cisnes, peixes e varios máis. Compuxo a música como broma para un día de entroido, así que comprobaredes que ten música moi alegre con toques de bo humor. Cada animal ou animais ten asignado un instrumento musical. Son 14 pequenos fragmentos adicados cada un deles a un animal distinto.  
Música | ClásicaPrograma Didáctico
A historia extravagante de Hipo & Gavante Banda Municipal de Música de Santiago
Venres 16 marzo | Auditorio de Galicia
Banda Municipal de Música de Santiago Esta suite sinfónica con narrador conta as peripecias dun Hipopótamo que, cansado de vivir no mesmo recodo do río, decide tomarse unhas vacacións no mar para cambiar de aires. Despois de chegar á praia, atópase con Gavante, un bogavante tímido ao que lle gusta moito o café que vive na beira e ambos decidan facerse amigos. Pero a amizade, ás veces, debe ser capaz de pasar por algunhas dificultades...  
Didácticos Programa Didáctico
Elas Bravas! Didácticos Audiovisuais
Luns 19 marzo | 10:00 | Auditorio de Galicia
Didácticos Audiovisuais Esta será unha celebración da presenza feminina no audiovisual, tanto a nivel de creación (directoras, produtoras, actrices…) como a nivel de perspectiva de xénero nas historias. Nesta sesión as protagonistas serán ELAS, en filmes con protagonistas femininas (nenas ou mulleres adultas) e/ou cuxas historias están contadas dende a súa perspectiva, e coñecemento tamén de mulleres importantes (e bravas!) da industria audiovisual.  
Didácticos | TeatroPrograma Didáctico
O conto da Azuzaina Ana Carreira e Fran Núñez, dramaturxia e dirección
Varias datas | Teatro Principal
Ana Carreira e Fran Núñez, dramaturxia e dirección Na imprenta da Azuzaina chega un encargo urxente: o libro das familias. Os operarios Terán que dar o mellor de sí e usar as máis aloucadas estratexias para completar o traballo a tempo. O encargo é crear un libro con fotos de diferentes familias, de diferentes persoas. Ante a necesidade de entregalo na fin da xornada terán que crear a toda velocidade as páxinas do libro.  
Música | ClásicaPrograma Didáctico
O ritmo e a palabra A ancestralidade da Percusión
Varias datas | Auditorio de Galicia
A ancestralidade da Percusión A percusión será o instrumento protagonista do concerto didáctico que ofrecerá o percusionista da Real Filharmonía de Galicia José V. Faus, alumnos da Escola de Altos Estudios Musicais, así como a participación do compositor e narrador Fernando Buíde  
Didácticos | DanzaPrograma Didáctico
Emoticores Las Tricotouses
Varias datas | Teatro Principal
Las Tricotouses Emoticores é a nova proposta de danza de Cristina Montero & Rut Balbís, Las Tricotouses, para o público máis novo. COR e PSICOLOXÍA: Ao igual que os adultos, os máis novos precisan espazos onde recoñecerse e expresarse afectiva e emocionalmente. É importante que a escola proporcione estos lugares de contacto e de expresión e así, camiñar cara un modelo educativo máis integrador, humano e creativo.  
Música Programa Didáctico
A burra Ramona Banda Municipal de Música
Varias datas | Auditorio de Galicia
Banda Municipal de Música A burra Ramona é un conto que anima a perseguir os soños, a loitar polos desexos e a cambiar as rutinas. Os diferentes personaxes que se cruzan no camiño da burra Ramona teñen a súa música propia, en especial a protagonista e así imos coñecendo e imaxinando as características de cada un deles.  
Didácticos Programa Didáctico
Vemos moitas máis cousas que pelis Didácticos Audiovisuais
Luns 16 abril | Auditorio de Galicia
Didácticos Audiovisuais Nesta sesión propoñemos que o alumnado participante “vexa moitas máis cousas que pelis”, é dicir, trátase dunha sesión na que pretendemos incidir na variedade de formatos audiovisuais que existen hoxe en día, tanto en cine, como en TV, como na rede, centrándonos nos seguintes: vídeoclips, webseries, youtubers (infantís: nenos/as que están producindo contido para nenos/as), series de TV e curtametraxes.  
Didácticos | TeatroPrograma Didáctico
Gatuxo Urdime SCG
Varias datas | Teatro Principal
Urdime SCG Gatuxo é un espectáculo onde se fusionan as artes, a música, as cantigas, o teatro, os contos, o clown, a manipulación de obxectos ou o claqué, todo interpretado en directo por tres músicos a dúas voces e unha actriz. Gatuxo é unha metáfora do crecemento da crianza e do descubrimento do mundo dende unha perspectiva artística: o Gatuxo é arquitecto dunha caixa, é músico na cociña, é pintor de garabatos, é bailarín de claqué, é cantante, é monicrequeiro cos obxectos cos que brinca, e por suposto é o narrador da súa propia historia.  

http://www.compostelacapitalcultural.com/adjuntos/1509572374.pdf
http://www.compostelacapitalcultural.com/adjuntos/1509572374.pdf http://www.compostecapitalcultural.org
http://www.auditoriodegalicia.org/ www.compostelacapitalcultural.org http://ofv.auditoriodegalicia.org
www.compostelacapitalcultural.org http://www.compostelacapitalcultural.org www.compostelacapitalcultural.org www.compostelacapitalcultural.org
www.compostelacapitalcultural.org/index.html www.compostelacapitalcultural.org/index.html 	http://www.compostelacapitalcultural.com/adjuntos/1504345520.pdf http://www.compostelacapitalcultural.org www.compostelacapitalcultural.org