fondo web
GAL | ES
logotipo concello de Santiago
Qué?
Cando?
Onde?
Criterios seleccionados
Suprimir todo

Búsqueda

Música | ClásicaA Escola na Cidade
Concerto de Cámara Dentro do ciclo 'A Escola na cidade'
Mércores 29 marzo | 20:30 |Paraninfo da Universidade
A EAEM, Escola de Altos Estudos Musicais, pon en marcha unha nova edición de “A Escola na Cidade”, un ciclo de concertos interpretados polos alumnos e alumnas do centro. As entradas destas actuacións son gratuítas ata completar aforo.
Música Programa Didáctico
Corre, corre, boliña!! Banda Municipal de Música
Varias datas|Auditorio de Galicia
O conto dun pan que corre, ou mellor, que arrola polo chan para fuxir de quen o quere comer, é un típico exemplo de "conto dos tempos da fame", común na Europa de tradición oral, e especialmente pensado para informar deleitando, así como para a súa doada memorización debido á reiteración do motivo principal que é fuxir dunha selección humana e zoolóxica de "depredadores" de pan.
Teatro | de AutorTeatro&Danza
LA ESPECIE DOMINANTE Teatro Guirigai
Xoves 30 marzo | 20:30 |Teatro Principal
Cando todo isto empezou ningún sospeitabamos que as poutadas da crise nos alcanzarían, tamén, a nós. O que era sólido e seguro licuouse como xeo ao sol, mergullándonos nas incertezas dun mundo empobrecido. Desde ese mundo líquido, desde a diversidade das súas historias e personaxes, o espectáculo conta os conflitos desta nova vida cotiá. Un crisol de situacións que nos axudan a explicar como a nosa percepción do mundo e os seus valores éticos se modificaron vertixinosamente nun brevísimo espazo de tempo.
Música | ClásicaPrograma de Abono
Real Filharmonía de Galicia Maxym Emelyanchev, director e piano
Venres 31 marzo | 20:30 |Auditorio de Galicia
O filósofo francés André Comte-Sponville di: «O encontro con Mozart rebasa a estética: é humanamente decisivo, filosoficamente decisivo, espiritualmente decisivo...».
Música | CantautorMúsica
SOPHIE AUSTER Presenta o seu último traballo en Compostela
Venres 31 marzo | 20:30 |Teatro Principal
Ser filla de Paul Auster e Siri Hustvedt dálle unha dimensión intelectual a esta artista neoiorquina desde o berce que aos 8 anos estudaba canto e enseguida comezou coa interpretación. Mentres estudaba na Universidade (Sarah Lawence College), este primeiro disco levouna a tocar durante as vacacións de verán nos festivais europeos de e en Sudamérica. No seu ‘Rede Weather’ pon o acento na súa voz visceral e as súas letras de corazón torturado.
Mediación Cultural De Lugares e Órganos
O órgano sae á rúa Máis que música
Varias datas|Kookaï-Nafnaf
O órgano sae novamente á rúa e ao encontro da cidadanía coa idea de deslocalizar as actividades do ciclo e levalas a ámbitos diferentes do seu contexto habitual ou dos espazos de concerto programados.
Mediación Cultural De Lugares e Órganos
Itinerario polos órganos de Compostela Con Adrián Regueiro e Andrés Díaz Pazos
Varias datas|Igrexa da Universidade (da Compañía)
Para descubrirmos os vestixios dunha frutífera actividade arredor do órgano na cidade de Compostela e o rico legado organístico que aínda se conserva nela, propoñemos novos itinerarios nos que descubrirmos algúns dos órganos que integran estas descoñecidas paisaxes. Nesta nova edición renovamos a oferta de espazos visitados: os órganos das igrexas da Compañía, de San Miguel dos Agros, de San Paio de Antealtares e de San Martiño Pinario.
Teatro Programa Didáctico
Manawee Matrioshka Teatro
Varias datas|Teatro Principal
En Manawee, as Matrioshkas Anabell Gago, Lorena Conde e Chelo do Rejo, escríbense unha carta a si mesmas. Unha nota aclaratoria sobre o que xa pasou e non se decataron. Unha explicación sobre aquelas furias, euforias, amores, paixóns e pánicos que pasaban como tornados nos anos da súa infancia. Esa carta que tod@ nen@ recibirá de si mesm@ no futuro. Manawee é un espectáculo para aqueles nen@s que vislumbran grandes cambios.
Música | ClásicaBanda Municipal de Música
Festas Barrio de San Lázaro Banda Municipal de Música de Santiago
Luns 3 abril | 13:00 |Praza da Igrexa de San Lázaro
Coincidindo co Quinto Domingo de Coresma, que dá paso á Semana Santa, o compostelán Barrio de San Lázaro celebra unha das súas festas relixiosas e gastronómicas máis tradicionais, a "Festa dá Uña". A banda Municipal de Santiago, dirixida polo mestre Casiano Mouriño, sumarase a esta celebración ofrecendo a súa música a todos os veciños e visitantes do barrio
Música | ClásicaPrograma de Abono
Real Filharmonía de Galicia Jonathan Webb, director
Xoves 6 abril | 20:30 |Auditorio de Galicia
«O meu obxectivo era transmitir sentimentos e paixóns humanas nesta obra» dixo Shostakovich da súa Décima Sinfonía recén rematada en 1953.
Música | Folk/Popular/TradicionalMúsica
TALABARTE Presentan o seu último traballo, ‘Fake’
Venres 7 abril | 20:30 |Teatro Principal
Tras anos coincidindo e compartindo diversas experiencias musicais, estes tres grandes músicos deciden 
poñer a andar seu propio proxecto artístico, motivado pola súa recíproca admiración e amizade. Unidos ademais pola 
madeira dos seus instrumentos e cunha concepción musical común, funden conceptos diversos na 
súa viaxe musical: acústico, de raíz, improvisación, atemporal, aventura, surrealismo, gastronomía...
Música | ClásicaDe Lugares e Órganos
DESCENDAT NUNC DE CRUCE Grupo Ouriol e José Luís González Uriol ao órgano
Venres 7 abril | 20:00 |Igrexa da Universidade (da Compañía)
“Que ese Cristo, o Rei de Israel, descenda agora da cruz, para que vexamos e creamos” (Marcos 15:32) Así narra o evanxeo segundo San Marcos o escarnio co que o xentío increpaba ao que se dicía fillo de Deus pouco antes de morrer na cruz. Nos episodios da paixón de Cristo narradas nos evanxeos, atopamos unha chea de metáforas e imaxes que ilustran problemas filosóficos éticos ou morais intemporais cos que acotío se enfronta o home contemporáneo.
Música | VariosMúsica
SES Presenta 'Opoñerse á extinción'
Sábado 8 abril | 21:00 |Auditorio de Galicia
Nunca se foi, pero xa volve SES, rebosante de enerxía cun novo disco baixo o brazo. Chámase ‘Opoñerse á extinción’ e está na rúa desde o 2 de decembro con once temas que arrecenden á cantora bergantiñana en cada acorde. ‘Opoñerse á extinción’ é o cuarto álbum dunha SES que sigue sendo pura forza, inconformismo e paixón. Nel segue a liña do seu inconfundible estilo que a levou a converterse na artista máis relevante do país nos últimos anos e nun auténtico fenómeno social que non deixa de medrar.
Outros | TíteresInfantil e Familiar
‘As aventuras de Gale’ Con Títeres A Xanela do Maxín
Sábado 8 abril |Teatro Principal
Gale conducirá ás nenas e nenos a través da súa historia e traeraos ao presente mostrándolles a situación na que se atopa e a maneira na que poden axudarlle a repartir ese gran tesouro que protexe con tanto con mimo: palabras, expresións, dicires e unha maneira única de ser e de descubrir o mundo.
Música | ClásicaBanda Municipal de Música
Concerto de Semana Santa BMSC & Escolanía da Catedral de Santiago
Sábado 8 abril | 20:00 |Igrexa de San Domingos de Bonaval
A Escolanía da Catedral de Santiago, dirixida por José L. Vázquez López, acompañará a banda municipal de música de Santiago, no concerto do sábado 8 ás 20:00 na Igrexa de San Domingo de Bonaval, no que interpretarán obras propias das liturxias de Semana Santa
Música | ClásicaDe Lugares e Órganos
AS SETE PALABRAS DE XESUCRISTO NA CRUZ Co Cuarteto Alicerce
Luns 10 abril | 20:00 |Igrexa das Ánimas
Por encarga da catedral de Cádiz, Haydn compuxo, cara a 1786, unha obra evocadora das últimas frases de Cristo na cruz, unha obra que se había representar durante o chamado exercicio das tres horas, unha práctica relixiosa orixinaria das misións xesuíticas do Perú e estendida, dende mediados do século XVII, por Hispanoamérica e España. O acto tiña lugar o Venres Santo entre as doce e as tres da tarde, nunha igrexa en penumbra na que se meditaba sobre as sete palabras que Cristo pronuncia na súa agonía na cruz, intercalando a interpretación de músicas compostas por Haydn para cada unha das sete frases coa meditación.
Música | ClásicaDe Lugares e Órganos
GLOSAS, CANTOS E DEVOCIÓN EN FEMININO Con Ana Pazos Pintor e Julia Ammerman Yebra
Martes 11 abril | 20:30 |Igrexa de San Miguel dos Agros
Estas dúas mulleres, radicadas en Compostela, xúntanse a través dun proxecto musical no que se combinan dous instrumentos capaces de xerar fermosas e empastadas sonoridades: o cornetto, un instrumento de vento que foi amplamente empregado no Renacemento como integrante das capelas musicais e que dobraba as voces, e o órgano histórico de tubos.
Música | ClásicaDe Lugares e Órganos
O DULCIS AMOR Repertorios para voz e órganos dos séculos XVI e XVII
Mércores 12 abril | 20:30 |Igrexa de San Paio de Antealtares
Dúas das máis relevantes figuras do mundo da música antiga, o tenor e fundador do grupo Gilles Binchois, Dominique Vellard, e o organista Jan Willem Jansen, xúntanse para ofrecer un programa de música vocal e instrumental que propón unha viaxe que percorrerá desde a polifonía renacentista española ata a monodia italiana do s. XVII. Un programa conformado por músicas de compositores como Monteverdi ou Frescobaldi, que foron quen de desenvolver, no Barroco, novas estéticas e técnicas a partir dunha tradición profundamente arraigada no Renacemento, representada por mestres como Guerrero, Victoria ou Morales.
Infantil/Familiar | InfantilDe Lugares e Órganos
Constrúe o teu propio tubo Obradoiro de organería para crianzas
Xoves 13 abril | 12:00 |Igrexa da Universidade (da Compañía)
Unha actividade dirixida a nenas e nenos, que pretende aprenderlles que é un órgano, como funciona e a terminoloxía básica asociada ao instrumento: que é un tubo, o fol, os rexistros..., para logo construír un pequeno tubo de órgano de madeira e iniciarse así no apaixonante e descoñecido mundo da organería e dos oficios relacionados cos órganos.
Música | ContemporáneaDe Lugares e Órganos
MUTEMA: VOCES, VONTADE, METAL, OUVIDO Pablo Seoane Trío Electroacústico
Sábado 15 abril | 20:00 |Igrexa da Universidade (da Compañía)
María Mutema é un personaxe da novela Grande Sertão: Veredas, de Joao Guimaraes Rosa, unha muller que acabou co seu home derramándolle chumbo derretido no ouvido por un funil. Mutema matou logo un crego, a quen tamén amaba, a contos. E, finalmente, converteuse ela mesma en conto ou en canto, en cousa que anda nas voces.

http://www.compostelacapitalcultural.com/adjuntos/1488282565.pdf
http://www.compostelacapitalcultural.com/adjuntos/1488282565.pdf http://www.compostecapitalcultural.org
http://www.auditoriodegalicia.org/ www.compostelacapitalcultural.org http://ofv.auditoriodegalicia.org
www.compostelacapitalcultural.org www.compostelacapitalcultural.org/index.html http://www.compostelacapitalcultural.org/adjuntos/1372404450.pdf www.compostelacapitalcultural.org www.compostelacapitalcultural.org
www.compostelacapitalcultural.org/index.html http://www.compostelacapitalcultural.org http://www.compostelacapitalcultural.org www.compostelacapitalcultural.org